De Ninghures

De Ninghures é un grupo de música de raíz galega. Sete músicos da Fonsagrada, Compostela e Carballo con instrumentos orgánicos e que presentan un repertorio tradicional galego con claras influencias de músicas doutros pobos da Península Ibérica, América Latina ou o Magreb.
En 2019 son gañadores do concurso Novos Valores como tamén finalistas do Proxecto Runas organizado polo Festival de Ortigueira. A nivel nacional destacan a participación no 50 aniversario da Casa de Galicia en Santurtzi, na celebración do Día de Galicia en Esukadi na vila de Sestao, na XXXIV Fiesta de los Pueblos en Laudio (Álava) e na II Polavila de Santalla d’Oscos (Asturias).
É a partir da emerxencia sanitaria do 2020 cando o grupo realiza un traballo de autocoñecemento e decide plasmar todo o seu percorrido ata o entón a través do seu primeiro álbum. AQUÍ é o seu primeiro traballo discográfico gravado nos Estudios Abrigueiro da man do compositor e produtor musical Arturo Vaquero. Con temas orixinais nos que conflúen pezas de composición propia con arranxos do repertorio tradicional.
En outubro do 2022 presentaron ese primeiro disco "AQUÍ" na Sala Malatesta (Santiago de Compostela), que deu o comezo á xira de presentación de máis de 30 concertos por toda o territorio galego. Festival de Luz, Atlantic Fest, TradFest, O Son do Pazo e Sala Garufa son algúns dos escenarios polos que pasaron nos últimos meses.
“Yalah Rework”, “MalPica”, “Olliños Negros” e “Morena” son los lanzamentos musicais (sinxelos e un EP) tras a publicación do disco. Unha fusión de sons autóctonos e contemporáneos que cautiva a oíntes dun amplo rango de idade e que conseguiron o seu sitio en listas de reprodución tan relevantes como a Novidades de Mondo Sonoro en Spotify.
Os próximos meses veñen con nova música e colaboracións con outros artistas do panorama musical de diferentes estilos (urbano, pop e electrónica entre otros). Además, están traballando na nova xira que levará a súa música a otros países e lugares.